Dimensiona achega unha aplicación que fai auditorías de cultivo sen necesidade de rede
luns, 11 de xaneiro do 2021
A
empresa galega Dimensiona rematou o ano presentando detalles dunha
innovadora ferramenta para facer avanzar o sector primario na súa
transformación cara a modelos máis intelixentes e automatizados: a
ferramenta Refuxio, unha aplicación móbil que xorde dos grandes
desafíos actuais da agricultura a gran escala.
Permite
facer auditorías de cultivo de diferentes zonas en seguimento: por
unha banda as zonas denominadas “refuxio” e, pola outra, as que
se coñecen como áreas “intactas”. Este traballo de apoio
desenvólveo de maneira áxil e sinxela, achegando datos
pormenorizados de cada área en estudo e contratando os datos que
ofrece cada unha. O obxectivo é comparar a calidade dos cultivos
resultantes en cada caso.
Dimensiona
explica que as vantaxes da ferramenta son moitas e variadas. Por
exemplo: permite aos auditores traballar sen conexión (coa garantía
de acadar a sincronización dos datos unha vez o dispositivo poida
conectarse á rede), posibilita un traballo conxunto áxil e eficaz
(os auditores son coordinados a través da app por un
administrador central, figura que conta cuns privilexios de
administración específicos) e pon en xogo funcións de mapeado
interactivo (cando o auditor recibe as súas listaxes de parcelas de
cultivo a aplicación permítelle descargar os mapas cando está
conectado para, unha vez chegou ao lugar a examinar, poida traballar
off-line).
O
proxecto xorde ligado ao desenvolvemento doutra ferramenta de
Dimensiona, Agroint, tamén aplicábel ao ámbito agrícola.
A
app incorpora unha serie de funcións moi específicas baixo
unha interface que a empresa cualifica de “moi intuitiva”, o que
“a fai destacar entre as ferramentas dixitais para o sector
primario”. Esta son as funcións:
·
Xestión das auditorías das zonas de Intacta e
Refuxio e contraste das mesmas.
·
Xestión dos lotes e cultivos para rexistrar datos e cotexalos.
·
Ofrece a posibilidade de rexistrar os datos offline e
sincronizalos co servidor para subilos cando exista dispoñibilidade
de rede.ç
·
Realización de tomas de datos para o control dos cultivos Intacta
e Refuxio. Facilita o rexistro e a comparativa das áreas de
control dos cultivos.
·
Posibilidade tanto en liña como offline de realizar mapeados
interactivos das áreas a controlar “dunha forma doada e
intuitiva”.