Dúas mozas e tres mozos de Oia e da Guarda gañan o primeiro #SocialHack
martes, 16 de febreiro do 2021
A
fin de semana pasada, da man da Deputación de Pontevedra (a través
da rede SmartPEME), celebrouse online o Hackaton do Terceiro
Sector. A cita tivo feitura de certame e nela participaron, tentando
achegar as mellores contribucións, máis de trinta persoas de
distintos puntos de Galicia, Madrid, Cataluña e Andalucía.
Finalmente impúxose un proxecto para a creación dunha plataforma de
captación de fondos para iniciativas sociais. A
proposta gañadora do primeiro premio do #SocialHack, que botaba man
dos recursos de xeolocalización, foi desenvolvida por Celso Gómez,
de Oia, e Edu Castro, Jarold Lugo, Henar Alonso e Isa Alonso, da
Guarda.
A
presidenta provincial, Carmela Silva, xunto á deputada de Novas
Tecnoloxías, Ana Mejías, participou este luns na entrega telemática
dos galardóns deste reto tecnolóxico, desenvolvido durante esta
pasada fin de semana. Todas as persoas participantes concursaron en
liña en grupos multidisciplinares, en equipos de tres e cinco, para
desenvolver a solución tecnolóxica máis innovadora cara ás
entidades do terceiro sector. Na súa valoración, o xurado tivo en
conta o grao de desenvolvemento das propostas, o deseño, a súa
dificultade técnica e a presentación final.
A
presidenta da Deputación, Carmela Silva, amosouse asombrada pola
riqueza de ideas presentadas polos oito grupos participantes, e
destacou que este hackaton do terceiro sector demostrou
“que o mundo dixital está liderado por persoas e as persoas poden
converter á tecnoloxía, aos sistemas binarios e as siglas en algo
humano e que poden ser o instrumento para mellorar a vida das
persoas, sobre todo das que máis o necesitan”.
O
equipo gañador, que con este primeiro premio obtivo 2.000 euros,
conseguiu a máxima puntuación (12,1 puntos) do xurado coa proposta
Jamii, consistente nunha páxina web que por unha banda
permite realizar doazóns, participar en actividades de voluntariado,
facerse socia/o de entidades, e tamén solicitar as súas axudas. A
través da xeolocalización, a plataforma redirixe automaticamente
aos proxectos máis próximos.
O
segundo premio (1.000 euros) foi para o equipo formado por Carlos
Rodríguez, Jaime Martínez, Alberto Fernández e Jesús Pérez,
todos eles de Santiago, pola súa proposta Kune, que acadou
11,5 puntos na valoración do xurado. Consiste nunha plataforma que
reforza a transparencia e a rendición de contas, co fin de responder
a unha sociedade que demanda máis información e participación na
toma de decisións. Nesta web cada usuaria ou usuario conecta coas
entidades sociais que están acorde aos seus obxectivos para facer
voluntariado ou colaboracións económicas.
Finalmente,
o terceiro premio (500 €) o foi para o equipo formado por Pío
Iglesias, Rafa Rodríguez e Jose Sánchez, todos eles de Pontevedra e
agrupados baixo a proposta HelpDepu (10,1 puntos). Trátase
dunha plataforma web que serve de ponte entre a Deputación e persoas
usuarias que buscan satisfacer unha necesidade.