El Poder de la Fuerza contará con secuela no outono

Pese a que tecnicamente non fose perfecto, El Poder de la Fuerza foi un dos xogos da franquía de Star Wars mellor recibido polo público nos últimos anos, de aí que non deba sorprender que LucasArts veña de desvelar a través de Facebook a data de lanzamento da súa secuela, que chegará ás tendas norteamericanas o 26 de outubro (a data europea aínda está por determinar).
El Poder de la Fuerza II retomará o personaxe de Starkiller, o aprendiz segredo de Darth Vader, aínda que descoñecemos a xustificación argumental para esta secuela (pois a anterior entrega estaba bastante ben pechada) e sería de agardar que na vindeira edición do E3 poidamos ver detalles sobre este título que chegará para Xbox 360, PlayStation 3, Wii, PSP e Nintendo DS.