Energizer comercializará o seu propio cargador solar

Os paneis solares para recargar dispositivos móbiles levan tempo no mercado, pero agora poderían dar un grande salto ao converterse en produtos de consumo masivo da man de fabricantes coma Energizer.
Así, se agarda que en xaneiro se presente no CES de Las Vegas o Energizer Solar Recharger, aínda que o seu lanzamento comercial sería de cara ao verán, cando o seu prezo debería ser uns 49,99 dólares (34,79 euros) no seu modelo de 2 celas. O dispositivo serve tanto para recargar pilas AA e AAA como dispositivos que se poidan cargar a través do porto USB (opción cada día máis habitual en reprodutores multimedia, móbiles, cámaras dixitais…)