Final Fantasy XIII sairá á venda o 9 de marzo

venres, 13 de novembro do 2009 Marcus Fernández

Os seguidores occidentais da franquía de Final Fantasy estarán contentos ao saber que finalmente o agardado e moi anticipado Final Fantasy XIII chegará ás tendas europeas nas súas versións de Xbox 360 e PlayStation 3 o vindeiro 9 de marzo.
Como o título comezará a comercializarse no Xapón o vindeiro 17 de decembro na súa versión de PS3, entendemos que poderemos coñecer a reacción do público e da crítica fronte ao xogo con bastante antelación, o que permitirá aos consumidores europeos poder decidir con calma se apostarán por este novo xogo no que Square Enix realizou un forte investimento, e que podería atopar no mes de marzo un momento ideal para garantir unhas vendas elevadas, xa que non tería que competir con títulos coma FIFA 10 ou Modern Warfare 2, que serán as grandes estrelas deste Nadal.


Vídeo con detalles sobre o lanzamento do xogo

PUBLICIDADE