Fujitsu presenta un ordenador de sobremesa con pantalla 3D sen lentes

Nun momento no que as pantallas 3D están en plena emerxencia e o mercado agardan con inquedanza a chegada da Nintendo 3DS ás tendas, Fujitsu sorprende anunciando no Xapón o lanzamento do ordenador de sobremesa ESPRIMO FH99/CM, que conta cunha pantalla de 23 polgadas con resolución de 1.920 x 1.080 píxeles e capaz de presentar imaxes estereoscópicas sen utilizar lentes especiais (e con entrada HDMI para poder aproveitar a pantalla para a consola de videoxogos).
O equipo funciona cun procesador Intel Core i7 a 2 GHz, 4 Gb de RAM, 2 Tb de disco duro, unidade para discos Blu-ray (con soporte de Blu-ray 3D), Wi-Fi N, Gigabit Ethernet, 2 portos USB 3.0, 4 portos USB 2.0 e sistema operativo Windows 7 Home Premium de 64 bits. Chegará ás tendas niponas o 25 de febreiro a un prezo de 259.800 iens (2.382,37 euros).