Galicia ante os retos da transformación dixital será o eixe dunha xornada de Telefónica no Gaiás
venres, 14 de febreiro do 2020
Este
luns 17 temos un encontro coa transformación empresarial na Cidade
da Cultural, na Sala Eisenman a partir das 10.00 horas. Estamos
a falar da xornada Galicia
en Dixital, Transformando a Sociedade e as Nosas Empresas. O
encontro empresarial vén da man da operadora Telefónica e contará,
entre outros persoeiros do noso tecido produtivo e institucional, coa
presenza do conselleiro de Economía, Francisco Conde, e do director
da zona Norte de Telefónica España, Francisco Javier Zorrilla.
Amais, será inaugurado polo director de Relacións Institucionais de
Telefónica España, Antonio Bengoa Crespo.
A
xornada Galicia en Dixital ten como obxectivo
facilitar o encontro e participación dos axentes máis
representativos da nosa terra e “debater sobre o estado da
sociedade dixital ao redor da cidadanía, as empresas e as
administracións”.
Entre
os relatores figuran o director global de Emprendimiento de
Telefónica, Miguel Arias; o director de AAPP e Grandes Empresas do
Territorio Norte de Telefónica España, Manuel Ángel Alonso Pérez;
o director de Innovación de Abanca, Eduardo Aldao Castillo; o
director executivo do grupo Optare, Luís Álvarez-Sestelo, e a
co-fundadora e directora exexcutiva de Deicom Technologies, Adriana
Vázquez.
Trala
apertura institucional, celebrarase un relatorio sobre emprendemento
e, máis tarde, unha mesa redonda que abordará Os retos da
transformación dixital na industria galega. O conselleiro de
Economía, Emprego e Industria, Francisco Conde, presidirá o acto de
clausura, durante o cal estará acompañado polo director Territorio
Norte de Telefónica España, Francisco Javier Zorrilla.