Garmin une forzas con Disney para animar aos cativos a manterse activos
mércores, 27 de setembro do 2017
Hai un ano Garmin
anunciaba a súa pulseira de actividade vÃvofit jr., coa que pretendÃa
animar aos cativos a manterse activos, e agora levan este accesorio un paso
adiante cunha versión renovada que gaña atractivo grazas ás súas estética
asociada a marcas recoñecibles polos pequenos. Deste xeito temos que a pulseira vÃvofit
jr. 2 contará con deseños baseados en personaxes da Disney (incluÃndo tamén
a Star Wars e Marvel), ou sexa, que Minnnie Mouse, os Vingadores, o Capitán
América, BB-8 e a Resistencia dos novos filmes de Star Wars terán pulseiras de
actividade de seu.
Estas pulseiras compleméntanse cunha aplicación móbil que propón aventuras para
os pequenos, que permitiranlles avanzar nunha aventura e desbloquear novos
personaxes, incentivo para axudar a que os cativos teñan un mÃnimo de 60
minutos de actividade ao dÃa, para manterse saudables.
Sumar as marcas de Disney, Star Wars e Marvel a unhas pulseiras que animan aos
pequenos a manter un ritmo de vida activo e saudable pode ser unha importante
contribución que conseguirá facer máis populares as pulseiras de actividade de
Garmin, que até o momento son pouco coñecidas, especialmente no seu novo
enfoque dirixido ao público de menor idade.
As pulseiras non só desbloquearán contidos cando os nenos se manteñan activos,
senón que tamén poden aproveitarse para programar tarefas como rematar os
deberes ou lavar os dentes. Amais, a aplicación móbil que complemente as
pulseiras pode animar a converter a actividade fÃsica nunha competición para
toda a familia, animando asà a motivar a todos os membros do fogar a estar
activos.
Como exemplo das actividades asociadas ás pulseiras temos que a de Minnie Mouse
permÃtenos participar na organización dunha festa de aniversario para Mickey
Mouse, no caso da pulseira de BB-8 poderemos explorar naves abandonadas no
planeta Jakku na procura de pezas perdidas e, no caso das pulseiras dos
Vingadores participaremos en misións nas que veremos o laboratorio de Tony
Stark, axudaremos a Thor a capturar a Loki e acompañaremos á Viúva Negra nas
súas misións secretas.
As pulseiras venderanse a
partires do cuarto trimestre do ano a un prezo de 99,99 euros.