Google celebrará o día 23 un cumio virtual para desenvolvedores de videoxogos

A crise por mor do COVID-19 levou á cancelación da Game Developers Conference, e para non deixar desatendidos aos desenvolvedores de videoxogos pola parte que lle toca a Google organizan o Google for Games Developer Summit, un cumio de balde que celebrarase en liña acollendo os contidos que tiñan previsto divulgar durante a GDC.
O 23 de marzo emitirán a presentación principal do evento, á que acompañarán cunha serie de sesións para desenvolvedores con máis de 10 horas de contidos que buscan contribuír a levar os xogos que se desenvolvan a un novo nivel. Nestas sesións coñeceranse casos de éxito, anunciaranse novas ferramentas para o desenvolvemento para Android e presentaranse actualizacións de distintos produtos.