HP prepara unha pantalla flexible que podería funcionar con webOS

martes, 13 de xullo do 2010 Marcus Fernández

Dentro do evento MobileBeat que estes días tivo lugar en San Francisco, Phil McKinney de HP amosou publicamente unha tecnoloxía de pantalla flexible que está a ser desenvolvida pola súa compañía e que tería un comportamento moi semellante ao papel electrónico (non consumirían enerxía ao amosar imaxes estáticas).
Polo momento non explicaron o estado de desenvolvemento desta tecnoloxía, pero McKinnery quixo explicar coa súa presentación que os produtos de Palm e HP poderían dar pasos realmente innovadores nos vindeiros anos, pois todo dependerá do desenvolvemento de amalgamas que consigan crear novos usos e aplicacións de produtos que actualmente non teñen un oco no mercado (como aconteceu co iPad) e que poderían ter un impacto notable no sector da electrónica de consumo.

PUBLICIDADE