Halo Wars 2 estrea a súa beta multixogador para Xbox One e PC
venres, 20 de xaneiro do 2017
Dende hoxe e até o 30 de xaneiro está dispoñible a
versión de proba do xogo de estratexia en tempo real Halo Wars 2, que podemos descargar
de balde para Xbox One e para
Windows 10, xa que estamos ante un xogo co selo Xbox Play Anywhere, de
xeito que pode xogarse e incluso continuarse as partidas de xeito indistinto
entre consola e ordenador, o que é un interesante incentivo para a compra en
dixital do xogo completo que sairá á venda o 21 de febreiro.
A beta
de Halo Wars 2 limÃtase a modo
multixogador Blitz, que supón unha interesante alternativa á estratexia en
tempo real tradicional, ofrecendo unha experiencia de xogo baseada en mazos de naipes.
A versión de demostración de Blitz permite asà comprobar como funciona esta
modalidade en enfrontamentos de xogador contra xogador, mentres que o xogo
final tamén terá un modo no que será posible un enfrontamento do xogador contra
o contorno.
Tráiler da beta