Heroes of Might & Magic III adáptase á alta definición e a dispositivos móbiles
venres, 30 de xaneiro do 2015
Quince
anos despois do seu lanzamento o xogo Heroes
of Might & Magic III regresa nunha edición en alta definición que
xa está dispoñible para PC
por 14,99 dólares (ou
14,95 euros), e na
App Store e en
Google Play por 9,99 euros, facilitando que este clásico poida estar
dispoñible para un grande público nunha versión actualizada principalmente a
nivel gráfico.
Este xogo de estratexia por quendas chega agora con gráficos máis definidos,
adaptado a pantallas panorámicas, con 7 escenarios de campañas, uns 50 mapas e
multi-xogador local, destacando a versión de PC por integrar novas
posibilidades multi-xogador en liña, mentres que en dispositivos móbiles as
novidades centráronse en adaptar o xogo a pantallas táctiles.
Temos agora menos desculpas para desembarcar neste mundo épico no que loitar
contra dragóns negros, arcanxos, demos e nigromantes para unir os devastados
territorios da raÃña Catalina Puño de Ferro e conquistar de novo o Reino de
Erathia.
- No xogo haberá que reconquistar o Reino de Erathia
- O universo de Might & Magic non esquece ás criaturas mitolóxicas nos seus combates
Trailer de Heroes of Might & Magic III: HD Edition