Horn, a nova aventura de acción que chega este mes a iOS e Android
luns, 6 de agosto do 2012
O avance das plataformas móbiles como alternativa sólida aos
videoxogos tradicionais continúa a paso firme, e como grande expoñente desta
revolución teremos este mes Horn,
xogo de Phosphor Games Studio que publicará Zynga e que chegará
para iOS e Android amosando uns gráficos impresionantes (facendo uso do Unreal
Engine) dentro dunha historia de fantasÃa cunha duración dunhas 10 horas, o que
parece máis propio dunha consola doméstica que dun xogo para smartphone ou tablet.
Horn é o nome dun aprendiz de
ferreiro que esperta para descubrir que a súa vila está ateigada de monstros
que resultan ser os habitantes e animais da vila transformados por unha
maldición que este rapaz deberá desfacer combatendo e solucionando
quebracabezas nunha aventura bastante clásica, tinguida con certos toques de
humor.
Para facernos unha mellor idea do nivel que achegará Horn aos nosos dispositivos móbiles podemos botar un ollo ao seu
novo trailer:
- O nivel gráfico de Horn está a altura de moitos xogos de consola doméstica