Hyperkin volve render homenaxe ao mando da Xbox orixinal

luns, 6 de setembro do 2021 Marcus Fernández

Hai 4 anos o fabricante de accesorios Hyperkin presentou un novo mando para consolas Xbox One que replicaba o aspecto de The Duke, o voluminoso mando da Xbox orixinal de 2001. Este mando, compatible con Xbox One e Windows a través de cable semella que foi todo un éxito, porque Hyperkin volve agora á carga cunha edición 20º aniversario do clásico mando, que será compatible con Xbox Series X|S e Windows.
Este mando que chegará no terceiro trimestre do ano en cor branca e negra, presenta unha animación de inicio dentro do botón de Xbox, o seu cable USB-C pode extraerse e tamén é compatible con consolas Xbox One, polo que é un produto que agradecerán algúns nostálxicos, que curiosamente prefiren gozar dun mando tan estrafalario en vez de optar pola magnífica ergonomía dos mandos actuais.

O novo mando tamén estará dispoñible en cor branca

PUBLICIDADE