Fallen Order somérxenos no universo de Star Wars

venres, 15 de novembro do 2019 Marcus Fernández

A franquía galáctica de Star Wars está máis viva que nunca, e a poucas semanas da estrea do seu Episodio IX nos cines temos tanto a serie The Mandalorian en Disney+ como un grande título de Electronic Arts, Star Wars Jedi: Fallen Order, que hoxe mesmo saíu á venda para Xbox One, PlayStation 4 e PC, e que atende unha longa demanda dos xogadores ao ofrecer unha experiencia de acción en terceira persoa orientada ao xogo individual, ou sexa, que temos a posibilidade de vivir unha nova historia de Star Wars.
Este traballo de Respawn Entertainment permítenos encarnar a un dos derradeiros Jedi, Cal Kestis (que conseguiu fuxir da Orde 66 desencadeada no Episodio III da saga galáctica), quen debe completar o seu adestramento antes de que os inquisidores descubran o seu plan para reconstruír a Orde Jedi, para o que contará coa axuda dunha antiga Jedi, dun piloto rosmón e dun intrépido droide (BD-1).
Durante toda esta viaxe de superación o protagonista terá que perfeccionar as súas habilidades, loitar con espadas de luz e facer uso da Forza, recreando así a intensidade propia das películas de Star Wars, grazas en boa medida por un sistema de combate inmersivo e cinematográfico.
Como mostra do que podemos ver nesta grande produción temos o seu tráiler de lanzamento:

PUBLICIDADE