LG presenta unha impresora fotográfica para móbiles

luns, 22 de outubro do 2012 Marcus Fernández

LG vai comezar a vender en Corea do Sur unha impresora fotográfica de peto cunhas medidas de 7,2 x 12,1 x 2,4 centímetros e un peso de 212 gramos pensada en comunicarse co noso móbil a través de Bluetooth ou NFC para poder levar as fotografías que temos no móbil ao papel (nun tamaño de 7,5 x 5 centímetros) empregando tecnoloxía ZINK (considerada como a Polaroid moderna).
Para poder empregar a LG Pocket Photo debemos instalar unha aplicación que podemos atopar de balde en Google Play dende un terminal con Android, e que permite aplicar filtros e editar as imaxes antes das súa impresión.
Esta impresora de peto venderase en distintas cores a un prezo de 189.000 wons (130,93 euros), mentres que os paquetes con 10 papeis fotográficos ZINK terán un prezo de 5.000 wons (3,46 euros).

A impresora de peto de LG venderase en varias cores

PUBLICIDADE