La Conspiración de Bourne chegará a Europa en xuño

mércores, 2 de abril do 2008 Marcus Fernández

Sierra Entertainment anunciou o que videoxogo La Conspiración de Bourne, baseado nas novelas de Robert Ludlum que foron adaptados ó cine con gran éxito, chegará a Europa o 27 xuño para PlayStation 3 e Xbox 360.
O xogo achegará a un Jason Bourne que non se asemellará fisicamente ó que puidemos ver na grande pantalla (reflictirá ó personaxe, e non ó actor Matt Damon) e destacará por intensos combates corpo a corpo (para o que si recuperan o sistema de combate deseñado para as películas por Jeff Imada), persecucións en automóbil (un Mini Cooper vermello) e tiroteos.
Este novo título para as consolas de alta definición contará cun guión novo, que servirá de complemento ás películas e libros de Bourne e poderá dar solidez ao que promete ser un impresionante xogo de acción.

PUBLICIDADE