Máis de 500 empresas do Ceao xa contan coas velocidades de 1 Gbps de R

As empresas do Polígono do Ceao, en Lugo, xa teñen a súa disposición as velocidades de 1 Gbps que ofrece a nova tecnoloxía despregada por R na dita contorna industrial da cidade da Muralla ao longo dos últimos meses. En concreto, o subministro de tecnolóxica permitiralles a máis de medio milleiro de empresas acadar a devandita velocidade de conexión e, ademais, poralles ao alcance da man “accesos á Rede máis estables e homoxéneos”, segundo informou a operadora galega.
R engade ademais que a súa aposta por levar a fibra FTTH á máxima cantidade contornas da nosa xeografía estase a reflectir noutras zonas industriais galegas: “Este eixe de actuación ten permitido ofrecer unha mellora do servizo nun total de 24 polígonos empresariais de Galicia, que aglutinan a preto de 9.000 empresas e/ou emprendedores”, explica R, engadindo que estes traballos de rede “teñen suposto un investimento global de 0,2 millóns de euros e enmárcanse dentro dos plans anuais de R para optimizar e mellorar a calidade e potencia da súa rede de fibra, de cara a ofrecer os servizos máis avanzados, en maior medida, se cabe, para as empresas galegas”.