Nace web para fomentar a innovación nas empresas galegas
luns, 4 de abril do 2011
A
consultora galega MundiNova, especializada en comunicación e relacións
públicas, vén de desenvolver unha peculiar web dedicada a fomentar a innovación
no tecido empresarial do noso país.
Trátase da páxina web Revistadeinnovacion.com, unha
ferramenta que, entre outras cousas, recolle toda a actualidade da I+D+i galega
e selecciona as novas máis destacadas do mundo da innovación.
En
palabras da súa directora, Tesa Díaz-Faes, “o
portal da innovación funciona como canle de comunicación inmediata e continua
entre a Administración, a Empresa e a Universidade”, ao tempo que dá a
coñecer os servizos que ofrecen os centros tecnolóxicos e os equipos de
investigación que hai en Galicia para que que as firmas do país “cambien a súa mentalidade neste tempos de
crise xeralizada, e aposten pola I+D+i como estratexia de diferenciación e
aumento da súa competitividade”.
Esta web
da I+D+i galega inclúe tamén seccións consolidadas da Revista Innovamás, a primeira publicación periódica da nosa
Comunidade dedicada integramente á difusión da innovación entre as pequenas e
medianas empresas, así como unha Guía da I+D+i de Galicia, que porá en contacto
a todos os axentes do sistema galego da innovación nun mesmo espazo virtual.