Need For Speed: Most Wanted xa está dispoñible para dispositivos móbiles

martes, 30 de outubro do 2012 Marcus Fernández

Os amantes dos xogos de condución poden levar dende hoxe un dos mellores títulos do xénero no seu peto, pois Need For Speed: Most Wanted, adiantándose ao seu lanzamento en consolas doméstica, estreouse en plataformas móbiles, podendo adquirirse por 6,48 euros en Google Play e por 5,99 euros como aplicación universal na App Store.
Este xogo permite pórse ao volante dun SRT Viper GTS, un Porsche 911 Carrera S, un Hummer H1 Alpha e moitos outros vehículos, podendo optar por un control táctil ou mediante inclinación, adaptándose así aos gustos do usuario; todo cuns gráficos impresionantes que destacan especialmente nos últimos terminais con iOS ou Android.
O vindeiro 1 de novembro Need For Speed: Most Wanted tamén estará dispoñible para Xbox 360, PlayStation 3, PC e PS Vita.


Trailer da versión para Android do xogo

PUBLICIDADE