Neo Geo Battle Coliseum adaptarase á Xbox 360

venres, 8 de xaneiro do 2010 Marcus Fernández

En 2010 continuará o retorno de clásicos xogos de loita de recreativas, e unha das contribucións ao xénero será Neo Geo Battle Coliseum, que estará dispoñible para Xbox LIVE Arcade coma xogo descargable, e do que xa podemos ver varias capturas de pantalla publicadas en primicia por SpekSNK.
O xogo ocupará uns 831 Mbytes e gozará de melloras gráficas, coma escenarios tridimensionais e filtros de imaxe semellantes aos que puidemos ver en Marvel vs Capcom 2, e que fan máis agradable ver en pantalla títulos que non contan con gráficos en alta definición.
Neo Geo Battle Coliseum é un xogo de loita que mestura personaxes de xogos de SNK coma Fatal Fury, Metal Slug, Art of Fighting ou World Heroes, resultando máis unha curiosidade que un título memorable.

PUBLICIDADE