Nintendo permite botar un ollo ao que será a secuela de Breath of the Wild

No marco da celebración da feira E3, que este ano desenvólvese de xeito virtual, temos un novo Nintendo Direct, vídeo no que realizáronse interesantes anuncios e adiantos de xogos que chegarán a Nintendo Switch nos vindeiros meses, aínda que o máis rechamante para a meirande parte dos xogadores foi o anuncio do xogo Metroid Dread (á venda o vindeiro 8 de novembro) e a publicación das primeiras imaxes da secuela de The Legend of Zelda: Breath of the Wild, do que aínda non ousan confirmar nin o título nin a data de lanzamento (apuntando ao ano 2022).
Aparte destes grandes anuncios, tamén se amosou o xogo WarioWare: Get It Together! (que sairá á venda o 10 de setembro) e Mario Party Superstars (á venda o 29 de outubro), así deixaron ver ao loitador Kazuya en Super Smash Bros. Ultimate, aseguraron que Marvel’s Guardians of the Galaxy estará dispoñible para Switch a partir do 26 de novembro (que curiosamente será un xogo que se execute na nube para poder gozar dunha experiencia gráfica á altura do resto de consolas actuais), presentaron os modos de xogo de Mario Golf: Super Rush (que chegará o vindeiro día 25) e incluso anunciaron unha nova consola portátil con formato de Game & Watch que incluirá o primeiro xogo de The Legend of Zelda, Zelda II: The Adventure of Link, a versión para Game Boy de The Legend of Zelda: Link’s Awakening e unha versión do xogo de Game & Watch chamado Vermin, modificado para que o seu protagonista sexa Link, ou sexa, que temos unha grande homenaxe a The Legend of Zelda con forma de consola portátil retro.