Novidades na aplicación móbil municipal do Concello de Ourense
venres, 31 de marzo do 2023
O
Concello de
Ourense vén de incorporar importantes novidades sobre a aplicación
móbil municipal (MOUbil), cuxa
versión de probas foi presentada a finais de novembro de 2021 e
que foi deseñada e desenvolvida polo director xeral de Innovación
do Centro de
Intelixencia Artificial da cidade, David Olivieri. Entre as
novidades incorporadas á ferramenta, que chegou xa á súa versión
1.0.9, figuran as seguintes: servizo Pet-Friendly (engadida
listaxe de establecementos que permiten a entrada de persoas en
compañía dos seus animais, listaxe que recibirá novas
incorporacións a través de soporte.moubil@ourense.gal),
Veterinarios (recurso informativo sobre os centros
veterinarios e a súa localización no mapa) e Paradas de Taxi
(tamén localizadas no mapa).
Tamén
foron engadidas funcionalidades de avisos (servizo que emite o aviso
e posibilidade de anexar un documento), contacto e incidencias, a
liña C17 na sección de autobuses e a posibilidade de efectuar
xeolocalizacións (engádese o emprazamento xeográfico actual do
dispositivo para poder consultar a distancia coa marquesiña na
sección de mapa) e corrección de bugs.
Máis servizos
A
aplicación naceu co obxectivo de “facilitar unha canle de
comunicación coa cidadanía, e proporcionar información, axuda e
noticias sobre a cidade, nunha soa aplicación”. Conta, de base,
con apartados coma os que seguen:
-eGoberno: Para conectar con todos os departamentos e áreas do Goberno local.
-Cultura: Para coñecer e ter a un clic os próximos eventos culturais.
-eOficina365: Para acceder a documentación oficial, escritos e notificacións ao instante.
-Turismo: Para coñecer atractivos turísticos, patrimonio, roteiros e gastronomía.