Novos detalles de Xbox Series X
luns, 24 de febreiro do 2020
Microsoft non quere agardar á presentación oficial das súas
consolas de nova xeración, e hoxe
adianta que a Xbox Series X será un auténtico portento gráfico, cun
procesador que tirará proveito das últimas arquitecturas Zen 2 e RDNA 2 de AMD,
de xeito que os desenvolvedores poderán aproveitar os 12 TFLOPS da súa unidade
de procesamento gráfico, o que supón un desempeño que dobra o da Xbox One e
multiplica por 8 o da Xbox One orixinal, o que permitirá xogos máis detallados
e con maiores velocidades de refresco, conseguindo unha experiencia nunca antes
vista nunha consola de videoxogos.
Dentro do apartado gráfico tamén detallan que Xbox Series X utilizará Variable
Rate Shading (VRS), un método que non destina o mesmo esforzo gráfico a todos
os puntos en pantalla, senón que pode dar prioridade a efectos individuais en
personaxes especÃficos do xogo ou a obxectos ambientais importantes, conseguindo
asà manter animacións máis estables e maiores resolucións de pantalla. Tamén
conseguirá un maior realismo grazas ao uso de DirectX Raytracing, tecnoloxÃa de
aceleración por hardware que consegue uns efectos de iluminación fieis á
realidade.
Outros puntos fortes das novas consolas será o uso de almacenamento SSD
(reducindo os tempos de carga), da función Quick Resume (que permitirá reanudar
múltiples xogos de xeito case inmediato, sen ter que agardar ás pantallas de
carga), DLI (sistema de entrada con latencia dinámica para optimizar a resposta
dos mandos sen fÃos), HDMI 2.1 (que aproveitará as altas velocidades de
refresco que permiten algúns televisores) e a posibilidade de xogar a 120 imaxes
por segundo.
Dende Microsoft tamén farán unha grande aposta pola compatibilidade de xogos,
de xeito que as novas máquinas poderán correr tÃtulos de todas as xeracións
anteriores de Xbox, experiencia que poderá ser espectacular grazas á función de
entrega intelixente (Smart Delivery) que procurará que nos xogos nos que
sexa posible o usuario reciba sempre a mellor versión do tÃtulo que teña
adquirido, de xeito que non terá que mercar versións dun mesmo xogo para
futuras consolas (funcionalidade que garanten nos tÃtulos de Xbox Game Studios)
e, como vén sendo habitual, as novas consolas funcionarán con Xbox Game Pass,
de xeito que os que estean subscritos a este servizo poderán gozar do seu catálogo
de xogos sen problema. Deste xeito, as novas consolas terá multitude de xogos
dende o dÃa 1, e non como aconteceu con consolas anteriores, nas que os
primeiros meses de vida da consolas levaban a unha infrautilización das mesmas
por falta de catálogo.