Nyko venderá un Nunchuk sen fíos para a Wii

Aínda que o mando da Wii non se conecte á consola mediante cables, o engadido coñecido coma Nunchuck tense que conectar ó mando mediante un cable que algúns consideran incómodo, de xeito que o fabricante Nyko se adiantou á propia Nintendo lanzando un Nunchuck sen fíos, que se comunica co mando da Wii a través dun receptor que funciona na frecuencia dos 2,4 GHz.
Este novo produto de Nyko elimina así o cable entre o mando da Wii e o Nunchuck dando máis liberdade de movemento ós xogadores, aínda que a súa data de lanzamento e o seu prezo non se coñecerá ata que se presente o novo periférico durante o CES que se celebrará no mes de xaneiro.