A nova edición de Vindeira Capital Network aberta a novos sectores recibirá proxectos ata o 6 de setembro
mércores, 28 de agosto do 2013
O Clúster TIC Galicia e Xesgalicia organizan a cuarta edición de Vindeira
Capital Network (VCN’13), o meirande foro de captación de investimento
TIC que se desenvolve en Galicia. Este proxecto comezou conxuntamente coa
Plataforma Tecnolóxica Vindeira en 2010, co obxectivo de achegar emprendedores
e investidores para favorecer o financiamento de proxectos baseados nas TIC, e agora
amplÃa o seu enfoque para abordar tamén os sectores biotecnolóxico,
agroalimentario, audiovisual, da automoción e doutros ámbitos no que se conte
cunha alta compoñente tecnolóxica.
Nas tres primeiras edicións de Vindeira Capital Network presentáronse un total
de 52 proxectos a importantes entidades de Capital Risco e business angels e contouse cunha
participación media, en cada edición, de 15 entidades de investimento privadas
de alcance nacional, ademais de investidores públicos. Este ano contarase
novamente coa participación de analistas, conselleiros delegados e directores
de investimento que representan a fondos e entidades de investimento cun rango
de inversión que oscila entre os 100.000 e os seis millóns de euros.
Selección de proxectos, formación e procura de financiamento
Buscar, detectar e identificar proxectos que poidan
converterse en negocios de base tecnolóxica é a fase inicial do VCN’13. O prazo
para a presentación de proxectos remata o 6 de setembro. Os proxectos que se
inscriban serán avaliados por un comité de expertos composto por especialistas
dos eidos da empresa e das universidades galegas, que realizarán unha escolma
baseada na calidade e potencialidade dos proxectos.
Os proxectos poden ser presentados por calquera persoa
ou empresa que teña unha iniciativa ou proxecto empresarial innovador e
con alto compoñente tecnolóxico, sexa novo ou xa comezado, e que precisen de
capital para a súa execución.
Antes de enfrontarse aos financiadores, os
emprendedores responsables dos proxectos seleccionados completarán unha fase de
formación, na chamada Vindeira Venture Academy. Nesta escola, pola
que pasará unha importante nómina de expertos, os emprendedores terán a
oportunidade de pulir os seus proxectos e preparar as súas presentacións para
dotalas da maior claridade e precisión. Vindeira Venture Academy desenvolverase
entre os dÃas 12 e 22 de outubro.
A presentación ante os investidores terá lugar en
Santiago de Compostela os dÃas 24 e 25 de outubro, e realizarase coa
metodoloxÃa elevator-pitch. Esta
baséase nunha presentación rápida e áxil na que o emprendedor debe captar o
interese do inversor nun corto perÃodo de tempo.
Na cuarta edición de Vindeira Capital Network
colaboran a Axencia Galega de Innovación, o IGAPE, os centros tecnolóxicos
galegos, a Escola de Negocios de Novacaixagalicia, e as aceleradoras de
empresas Zarpamos e Launchlab.