O Concello de Oleiros denuncia cortes no servizo de telecomunicación en tres núcleos
venres, 27 de maio do 2022
O
Concello
de Oleiros vén de denunciar importantes problemas no servizo de
telecomunicacións en varios núcleos do termo municipal.
Concretamente, fixo saber que a veciñanza de Coruxo, Romardeiro e As
Galeras leva máis de 20 días sufrindo cortes nos servizos de
internet e televisión nos seus domicilios, dotados de fibra óptica
desde hai máis de 20 anos por parte da empresa R.
O
Concello fai saber que “na actualidade Movistar está a realizar a
implantación de fibra óptica en distintas zonas do municipio,
utilizando as canalizacións das que dispuña R, esnaquizando nos
seus traballos as instalacións existentes, provocando a queima do
cable por curtocircuítos e desconectando nodos existentes”.
Ante
esta situación que o Consistorio cualifica de “grave”, o
Concello notificou a Movistar “que se abstivera de tocar a ningunha
das redes do municipio se antes non se restablece o servizo a aqueles
veciños e veciñas afectados”. O Concello xa emitiu varios
comunicados ao respecto no que reitera a súa esixencia de volver de
emendar os danos e a interrupción do servizo á cidadanía.