O Concello de Pontevedra estrea sede electrónica
martes, 1 de marzo do 2016
Hoxe
botaba a andar a sede electrónica do Concello de Pontevedra:
sede.pontevedra.gal.
Dende
este espazo o Executivo local achega, entre outras cousas, a
posibilidade de levar adiante a tramitación administrativa aos
usuarios. Emporiso, no comezo poderán realizarse tramitacións
sinxelas como a comunicación da conta corrente; declaración de
datos fiscais; solicitude xeral ante o Rexistro… o resto de
trámites iranse introducindo paseniño, estamos a referirnos, por
exemplo, ao pagamento de tributos ou aos trámites perante o Servizo
de Urbanismo.
Volvendo á sede
electrónica en si mesma, cómpre dicir que está dividida en dúas
partes: unha pública na que se achega un catálogo de procedementos
que se poden realizar ou dos que se informa para poder executalos,
unha parte de transparencia onde aparece o taboleiro de anuncios (que
substitúe ao fÃsico na entrada do Concello), o perfil do
contratante, o emprego público, os servizos tributarios, a normativa
municipal, os impresos…
E por outra banda está a
parte privada, aquela que permite ao administrado coñecer os seus
expedientes dentro da administración, asà como o pagamento de
recibos, entre outros. Engadir que para iso, será preciso acceder a
través do DNI electrónico, dunha certificación dixital ou dunha
clave que achegue o propio concello (haberá que solicitalo ante o
Rexistro Municipal).