O Defender de Microsoft terá versión para Mac

Microsoft leva bastante tempo apostando pola multi-plataforma, o que permítelle levar aos seus servizos ao maior volume de público posible, e como grande mostra desta estratexia da compañía de Redmond temos agora o anuncio dunha versión para ordenadores Mac do Microsoft Defender Advanced Threat Protection (ATP), ou sexa, que o software de seguridade informática de Microsoft tamén protexerá a dispositivos sen Windows.
Polo momento o Microsoft Defender ATP para Mac está dispoñible nunha versión preliminar limitada, para poder así probala a fondo antes da súa publicación, ofrecendo unha experiencia moi semellante á que actualmente teñen os usuarios de Windows 10 co software de seguridade do seu sistema operativo. A nova ferramenta está dispoñible para as tres últimas versións de macOS, ás que protexe de virus e outros tipos de malware, o que resulta especialmente práctico en contornos corporativos, nos que o software de seguridade tamén contará coas ferramentas de configuración precisas.