O HTC Wildfire quere achegar o Android 2.1 a un público máis amplo

martes, 18 de maio do 2010 Marcus Fernández

O sistema operativo Android cada vez está presente en máis móbiles, incluíndo algúns que foxen de ser considerados de alta gama, coma o HTC Tattoo, e pasa seguir na mesma liña, o fabricante taiwanés presenta o HTC Wildfire, que pretende manterse nun prezo reducido, pero incorporando tanto Android 2.1 como a interface HTC Sense, de aí que estea considerado coma o irmán pequeno do HTC Desire.
O HTC Wildfire contará cun procesador Qualcomm a 528 MHz, 512 Mb de ROM, 384 Mb de RAM, pantalla de 3,2 polgadas, Wi-Fi, Bluetooth, GPS, compás dixital, cámara de 5 Mpíxeles con enfoque automático e flash, toma para auriculares estándar, porto microUSB, lector de tarxetas microSD, trackpad óptico, radio FM, sensores de proximidade, luz e caída e un grosor de 11,99 milímetros. A súa batería de 1.300 mAh permítelle unha autonomía ata 440 minutos en conversa e 690 horas en espera. Chegará ao mercado europeo no terceiro trimestre do ano en distintas cores (negro, vermello, branco e gris).


O HTC Wildfire visto en vivo

PUBLICIDADE