O Honor 7i busca destacar pola súa cámara abatible

Nos últimos meses Huawei conseguiu colocar nos mercados occidentais varios terminais moi atractivos baixo a súa marca Honor, e neste liña decidiu estrear en China (en breve chegará ao resto do mundo) o Honor 7i, un smartphone con pantalla Full HD de 5,2 polgadas que destaca por emular o concepto de cámara abatible de varios móbiles de Oppo, de xeito que conta cunha única cámara de 13 Mpíxeles cunha apertura f/2.0 e un obxectivo de grande angular de 28 milímetros, así como un flash de dobre ton, de xeito que sería un dispositivo orientado aos que queren ter un móbil elegante que poida disparar boas fotografías e selfies.
Este novo smartphone chega ao mercado cun procesador Qualcomm Snapdragon 616 e batería de 3.100 mAh, podendo atoparse en dúas configuracións: unah con 2 GB de RAM e 16 GB de almacenamento interno e outro con 3 GB de RAM e 32 GB de almacenamento interno. Véndese en cor prata ou ouro e parte dun prezo de 1.899 iuans chineses (265,37 euros).