O Moto X ve a luz presumindo do seu nivel de personalización
xoves, 1 de agosto do 2013
Tras moitos meses de ruxerruxe, chegou o día no que Motorola
tiña que desvelar o seu primeiro smartphone desenvolvido completamente dende
que Google adquiriu a empresa, o Moto
X, que aínda que preséntase cunhas prestacións que poderiamos considerar estándar, conseguiu destacar por un
nivel de personalización sen precedentes, xa que o terminal poderá deseñarse á
carta elixindo as cores dos seus elementos, gravándolle texto, definindo o seu
fondo de escritorio, o seu texto de benvida e a súa capacidade de almacenamento
no momento de encargalo vía web, ofrecendo un total de 2.000 variantes no
dispositivo, o que parece un bo incentivo para adquirilo vía web.
Estamos ante un smartphone que estrearase
nos EE.UU. co operador AT&T, a un prezo de 199,99 dólares para o modelo
de 16 Gb e de 249,99 dólares para o de 32 Gb (ambos modelos cun compromiso de
permanencia de 2 anos), que poderanse personalizar tanto dende as tendas como
na páxina web da compañía (recibindo o móbil o usuario sen custo adicional nun
máximo de 4 días), aínda que o modelo de 16 Gb tamén estará dispoñible en negro
e branco no seu modelo de 16 Gb (para facilitar a súa compra en tenda).
Co Moto X temos un smartphone 4G con Android 4.2.2, con 2 Gb de RAM, pantalla
AMOLED de 4,7 polgadas cunha resolución de 720 x 1.280, Wi-Fi AC de dobre
banda, Bluetooth 4.0, cámara frontal de 10 Mpíxeles (Clear Pixel), cámara
frontal de 2 Mpíxeles (capaz de gravar
vídeo a 1.080p), batería de 2.200 mAh, un grosor de entre 5,6 e 10,4 milímetros
e un peso de 130 gramos, o que o converte nun dispositivo de gama media-alta,
que busca destacar polo seu mencionado nivel de personalización e por outras
funcionalidades como o control sen contacto (permite consultar a meteoroloxía,
facer chamadas ou realizar buscas con só preguntarlle ao móbil dicindo “OK Google Now”) e pode realizar
capturas rápidas (con xirar o pulso un par de veces mentres suxeitamos o
dispositivos poderemos activar a súa cámara).
O Moto X comezará a distribuírse dende este mesmo mes e primeiros do que vén en
EE.UU., Canadá e América latina, mentres que do mercado europeo aínda non se
sabe nada, sendo posible que Motorola estree un modelo específico para o noso
territorio, algo que é bastante habitual na compañía (lembremos que mentres
aquí se vendían os Motorola RAZR, en EE.UU. comercializaban os Motorola DROID).
Do que si existen informacións é de que está en preparación unha Google Edition do móbil, que venderíase
libre, pero aínda non ten data de lanzamento fixada.
- O Moto X incluso poderá adquirise cun acabado en madeira
O Moto X poderá personalizarse vía web
Entre as características destacables do Moto X está o poder controlarse sen contacto