O Nokia 2.2 chegará con Android One e un prezo de só 99 euros

venres, 7 de xuño do 2019 Marcus Fernández

Para os usuarios que non son moi esixentes, pero queren ter un terminal móbil cunha boas experiencia de uso e actualizacións de sistema operativo garantidas durante un par de anos (e de seguridade durante 3 anos) chega o novo Nokia 2.2, un smartphone que tira proveito da intelixencia artificial para as fotografías e conta cunha pantalla de 5,7 polgadas cunha discreta pestana superior central con forma de pinga, que vai venderse por só 99 euros, converténdose no que para moitos será o móbil de entrada ideal.
O prezo fai que non esteamos ante un dispositivo con grandes pretensións, de xeito que a súa pantalla confórmase cunha resolución HD+, o seu procesador é un modesto MediaTek A22, ten só 2 GB de RAM e 16 GB de almacenamento (ampliable mediante tarxetas microSD) e as súas cámaras quedan en 13 e 5 Mpíxeles respectivamente. Incluso carece de lector de pegadas dixitais (aínda que conta con desbloqueo facial), deixando claro que é un teléfono básico, cunha aparencia moderna, que cubrirá as necesidades dun bo número de usuarios que poderán gozar da boa experiencia de uso de Android One.

Vídeo promocional do novo Nokia 2.2

PUBLICIDADE