O Nokia N810 WiMAX Edition comezará a venderse no verán

mércores, 2 de abril do 2008 Marcus Fernández

Cumprindo co agardado, Nokia anunciou unha nova versión do seu N810 que incorpora contectividade WiMAX pensando no espallamento deste tipo de redes sen fíos nos EE.UU., onde se comezará a vender este MID este verán.
O Nokia N810 é un dispositivo cunha pantalla táctil de 4,13 polgadas, un teclado deslizante QWERTY, unha webcam integrada, navegador web baseado en Mozilla, GPS, reprodutor multimedia, 2 Gb de memoria interna e un lector de tarxetas microSD. O seu modelo normal pode conectarse á Rede a través de Wi-Fi ou a través dun móbil (vía Bluetooth) pero agora tamén será compatible con WiMAX nesta nova edición.
O Nokia N810 WiMAX Edition achega unha experiencia de uso da Internet que ata o momento só se podía agardar dun ordenador completo, permitindo utilizar aplicacións de VoIP (mesmo Skype), Google Talk ou ver contidos en Flash.

PUBLICIDADE