O Nokia X chega ao millón de unidades reservadas en China

venres, 14 de marzo do 2014 Marcus Fernández

A proposta de Nokia para introducir móbiles con Android centrados nos servizos de Microsoft en mercados emerxentes podería parecer arriscada ou, como mínimo, rechamante (por estar a piques de pasar a compañía a operar baixo o control da compañía de Redmond), pero parece que a demanda dos dispositivos da familia Nokia X vai ser bastante boa, e dende Nokia celebran que en China xa reservaron un millón de terminais Nokia X.
Esta enorme cantidade de pedidos recibiuse en só 4 días, e a partir do 25 de marzo comezaremos a ver cal é a resposta real do público ante este novo smartphone, pois será cando comece a distribuírse no país asiático. ¿Convencerá esta nova gama de produtos entre as familias Lumia e Asha? ¿Será capaz de satisfacer aos usuarios un móbil con Android que carece dos servizos de Google de xeito oficial? Dende Nokia parecen confiados en que será así, e apostan por terminais moi ben construídos a prezos bastante axustados que parten de 89 euros (libres) e que teremos a fortuna de ver no mercado español (onde estiman que hai espazo para este tipo de teléfonos económicos).

PUBLICIDADE