O Nokia X6 incorpora pantalla táctil capacitiva

martes, 26 de xaneiro do 2010 Marcus Fernández

Nun momento no que o iPhone e os móbiles baseados en Android están á cabeza dos terminais con pantalla táctil, chega o Nokia X6, un novo móbil con pantalla capacitiva (o habitual en Nokia son as pantallas resistivas) de 3,2 polgadas cunha resolución de 640 x 360 píxeles que contaría con 16 Gb de capacidade de almacenamento, cámara de 5 Mpíxeles con óptica Carl Zeiss e dobre flash LED, gravación de vídeo a 640 x 480 píxeles a 30 fotogramas por segundo, Wi-Fi, GPS (compatible co novo Ovi Maps, ou sexa, ofrecendo navegación GPS de balde), saída de televisión, sistema operativo Symbian S60 na súa 5ª edición e conector estándar para auriculares.
Estamos así ante un interesante paso por parte do fabricante finlandés, que procuraría reducir gastos en certos elementos do terminal á vez que incorpora tecnoloxías moi ben recibidas polos usuarios, de xeito que aínda que non esteamos ante un modelo tope de gama, podería gozar dun prezo moi atractivo (coméntase que podería custar 350 euros libre) e chegaría ás tendas este mesmo trimestre en 3 cores (negra, branca con detalles en rosa e branca con detalles en amarelo).
O Nokia X6 funciona cunha batería BL-5J de 1.320 mAh, o que permitiríalle funcionar ata 18 días en espera, 11,5 horas en conversa (GSM), 4,5 horas de reprodución de vídeo e 35 horas de reprodución musical.

PUBLICIDADE