O Samsung GALAXY Ace Style chegará ao mercado con Android 4.4

Samsung presenta hoxe o que promete converterse nun dos grandes móbiles de entrada para os vindeiros meses, o GALAXY Ace Style, un terminal básico con pantalla TFT de 4 polgadas con resolución WVGA, procesador de dobre núcleo a 1,2 GHz, 512 Mb de RAM, 4 Gb de almacenamento interno (ampliable mediante tarxetas microSD de ata 64 Gb), Bluetooth 4.0, Wi-Fi N, NFC, cámaras de 5 e 0,3 Mpíxeles, batería de 1.500 mAh e un grosor de 10,65 milímetros, que destaca por incluír Android 4.4.2 (coa súa pertinente interface gráfica TouchWiz Essence).
O novo smartphone de Samsung estará dispoñible nos vindeiros días en cor gris escura ou branco crema. Este dispositivo está dirixido a un público mozo, polo que chegará a un prezo bastante axustado.