O Samsung SGH-i570 incorporará Symbian

xoves, 2 de agosto do 2007 Marcus Fernández

Samsung está a preparar a incorporación do sistema operativo Symbian 9.1 ó seu novo terminal SGH-i570, que inclúe un teclado QWERTY deslizante, e inclúe conectividade EDGE, HSDPA, Wi-Fi e Bluetooth, contando tamén con 160 Mb de memoria interna (ampliable mediante tarxetas microSD). Como vén sendo habitual neste tipo de dispositivos combina unha cámara dixital de 2 Mpíxeles para fotografías e outra VGA para videochamadas. Ademais presenta un grosor de só 16 mm e un peso de 130 gramos.
Non se coñece aínda a data de lanzamento deste novo terminal, pero parece unha boa opción para os amantes do sistema operativo Symbian (mentres que os incondicionais de Windows Mobile se poden conformar o Samsung SGH-i620, modelo equivalente para o sistema operativo de Microsoft).

PUBLICIDADE