O ZTE Blade S6 preséntase como un móbil con altas prestacións a un prezo asumible

ZTE está a ultimar o lanzamento do que parece que será o seu vindeiro supervendas, o ZTE Blade S6 4G LTE, un terminal baseado nun procesador Qualcomm Snapdragon 615 de 8 núcleos que funcionará con Android 5.0, polo que estaremos ante un dispositivo bastante moderno que cunha pantalla de alta definición de 5 polgadas, e un grosor de 7,7 polgadas parece adaptarse bastante ben ás demandas actuais do mercado.
O novo smartphone ten 2 GB de RAM, 16 GB de almacenamento interno (ampliable mediante tarxetas microSD), cámara traseira Sony IMX214 de 13 Mpíxeles, cámara frontal de grande angular de 5 Mpíxeles, dobre nano SIM, Wi-Fi AC, Bluetooth 4.0 e batería de 2.400 mAh. Promete son de alta definición e o seu prezo oficial será de 249,99 dólares (uns 220 euros). Un smartphone que pretende chegar ao público que busca un terminal premium a un prezo asumible.