O enTourage eDGe redefine os dispositivos de lectura de libros electrónicos

martes, 20 de outubro do 2009 Marcus Fernández

Nun momento no que aparecen fabricantes de lectores de libros electrónicos por todos os currunchos, aparecen un dispositivo realmente curioso, que non chegará ao mercado ata febreiro de 2010 a un prezo un tanto elevado (490 dólares) pero que podería cambiar o xeito de ver o e-readers, xa que estaría composto por unha pantalla de papel electrónico de 9,7 polgadas cunha resolución de 1.200 x 825 píxeles e 16 niveis de gris e outra pantalla táctil LCD de 10,1 polgadas e unha resolución de 1.024 x 600 píxeles, que inclúe conectividade 3G (opcional), Wi-Fi e Bluetooth e funciona co sistema operativo Google Android.
O enTourage eDGe conta con 4 Gb de memoria interna ampliable mediante tarxetas SD, reproduce música en MP3 e vídeo en MP4 e 3GP, e a súa batería recargable asegúralle unha autonomía de ata 6 horas.
Estamos así ante unha mestura entre lector de e-books e ultraportátil que gozaría de bastante versatilidade, e que ao ler documentos en formato EPUB e PDF permitiría o acceso a un importante número de contidos dispoñibles na Rede.

PUBLICIDADE