O reprodutor con pantalla panorámica Onda VX767

mércores, 26 de marzo do 2008 Marcus Fernández

No mercado hai multitude de reprodutores multimedia portátiles con grandes prestacións, pero na meirande parte dos casos presentan unha relación de aspecto de 4:3 cando moitos dos contidos actuais (especialmente en películas e series de televisión) están en formato 16:9, polo que para atender esta demanda sae o Onda VX767, que na súa pantalla panorámica de 4,3 polgadas presenta unha imaxe cunha resolución de 480 x 272 píxeles e permite a reprodución de numerosos formatos de vídeo (AVI, FLV, ASF, MOV, MP4, WMV, 3GP e MPG) e audio (MP3, WMA, APE e FLAC).
O reprodutor tamén permite a visualización de imaxes, a gravación de voz, a sintonización de radio FM e mesmo algún xogo sinxelo.
Os contidos almacénanse en tarxetas de memoria microSD cunha capacidade máxima soportada de 32 Gb e a súa autonomía permite a reprodución contínua de 40 horas de audio e 10 horas de vídeo.

PUBLICIDADE