O reprodutor portátil Sonyx7 Media Pro quere competir coas grandes marcas

Estamos afeitos a que os reprodutores multimedia portátiles de fabricantes coma Apple, Creative, Samsung, Philips ou Archos sexan os que destacan por prestacións, de aí que nos pille bastante por sorpresa o Sonix7 Media Pro, un dispositivo de fabricación británica que conta cunha pantalla táctil de 3,2 polgadas, 8/16 Gb de capacidade, acelerómetro, cámara dixital, altofalante integrado, lector de e-books, xogos, compatibilidade con ficheiros de audio MP1, MP2, MP3, WAV, ACC, MIDI e WMA e ficheiros de vídeo MP4, MPEG-4, AVI, XVID e H.263, e cunha autonomía de 30 horas para música e 20 horas para vídeo, o que superaría á meirande parte dos trebellos semellantes que hai no mercado europeo.
O modelo de 8 Gb véndese por 89,99 libras esterlinas (100,60 euros) e o de 16 Gb por 104,99 libras (117,44 euros), o que está bastante por debaixo do prezo dun iPod nano (ao que superarían tanto en tamaño de pantalla como en autonomía).

Vídeo promocional do novo reprodutor británico