Os Premios Galicia das Telecomunicacións 2013 xirarán arredor das TIC como canle de mellora na seguridade viaria
xoves, 17 de outubro do 2013
- Fernando Vázquez, director xeral de Imatia e nomeado Enxeñeiro do ano
A Noite
Galega das Telecomunicacións e da Sociedade da Información xa
vai pola súa XVIII edición, abranguendo a celebración dos seus
premios. Será o vindeiro venres 25 de outubro no Gran
Hotel da Toxa (O Grove, Pontevedra) e o evento levará por
tÃtulo: As TIC e a mellora da seguridade viaria. Detrás
destes galardóns atópanse o Colexio
Oficial e a Asociación de Enxeñeiros de Telecomunicación de
Galicia (COETG-AETG) e contará coa presenza do conselleiro de
EconomÃa e Industria -Francisco Conde López- e a directora da
Axencia para a
Modernización Tecnolóxica de Galicia (AMTEGA) -Mar Pereira-
nomearase a Fernando Vázquez Núñez (director xeral de Imatia),
Enxeñeiro do Ano; e a Alfonso Cabaleiro Durán (xerente de
Galicia Calidade), Socio
de Honra.
Nesta edición, os
Premios Galicia das Telecomunicacións -encamiñados a recoñecer o
talento e a innovación en Galicia- centrarán a súa atención na
aplicación das TIC de cara á mellora da seguridade viaria.
Emporiso, atendendo a isto os premiados xa foron desvelados por parte
do COETG-AETG, sendo o Premio ao Mellor Proxecto TIC con
Beneficios Sociais para a empresa ImaxDI
polo proxecto Mbeat, un dispositivo que permite o telediagnóstico
cardiolóxico en tempo real, acurtando os tempos e minimizando o dano
cardiovascular, achegando un grande beneficio social aos doentes e
aos sistemas de saúde. O Premio Gerardo GarcÃa Campos á Mellor
Iniciativa Empresarial no sector TIC 2013
(patrocinado pola Fundación do mesmo nome e dotado con 6.000 euros),
correspondeulle nesta edición á empresa Confirmsign
pola súa aplicación homónima, que conta cunha clara orientación á
internacionalización e consolidación de mercados e por ser unha
iniciativa novidosa con proxección de crecemento. O Premio
Gradiant á Mellor Tese Doutoral aplicada ao sector TIC
concédeselle a Alejandro Nieto Lareo pola súa tese Dynamically
Reconfigurable Architecture for Embedded Computer Vision Systems, que
abrangue o problema real da limitación das arquitecturas de hardware
dispoñibles para aplicacións de visión por computador, cun deseño
avanzado e posibilidades reais de transferencia dende a área de
investigación ás solucións industriais, avaladas xa por patentes
internacionais en curso. E o Premio INEO á Mellor Aplicación TIC
é para a Plataforma Galega de Telexestión de Contadores PRIME para
as redes eléctricas intelixentes, deseñada pola empresa Telecon
Galicia, como proxecto industrial asentado en Galicia, que xerará
novas oportunidades de desenvolvemento baseadas nos datos obtidos
polo sistema, que abre a porta a novas aplicacións no estratéxico
sector da eficiencia enerxética.