Os auriculares Pixel Buds renóvanse baixando considerablemente de prezo

Hai preto dun ano Google puxo á venda en España os seus auriculares Pixel Buds a un prezo de 199 euros, e desta volta, en vez de evolucionar o produto para ofrecer novas prestacións optaron por achegase ao público axustando o prezo, de xeito que en breve poderemos facernos cuns Google Pixel Buds A-Series por 99 euros en cor branca ou en cor musgo.
Estes auriculares sen fíos no só prometen a mesma calidade de son que os seus predecesores, senón que tamén inclúen prestacións avanzadas como o uso do Asistente de Google mediante a voz e a posibilidade de realizar traducións de conversas en tempo real directamente cos auriculares.
Os Pixel Buds A-Series tamén conta con axuste automático do volume en función do ruído ambiental, conta con micrófonos que céntranse na voz do usuario para ofrecer chamadas cunha voz nítida, o seu axuste ao ouvido adáptase ben a numerosas formas de ouvido e incluso conta con orificios de ventilación para reducir a presión, e incluso son resistentes á suor e á auga, para poder empregalos con tranquilidade na práctica deportiva e na rúa.
Neste momento a tenda en liña de Google permite unirse á lista de agarda para facerse cun destes auriculares en canto estean dispoñibles, sendo unha opción moi interesante para usuarios de móbiles Android.