Os sectores das TIC, hoteis e axencias de viaxe son os máis dixitalizados de España
venres, 24 de setembro do 2021
Red.es
vén de presentar o seu novo informe Dixitalización das Pemes
2021, elaborado polo ONTSI (Observatorio Nacional de
Tecnoloxía e Sociedade) e dirixido a avaliar, anualmente, as
tendencias da dixitalización das empresas españolas. Segundo se fai
saber na nova investigación, as firmas dos sectores da información
e as comunicacións (TIC), dos hoteis e das axencias de viaxes, son
as máis dixitalizadas do panorama produtivo estatal. Esta tónica
vénse repetindo dende hai xa uns cantos anos, con estes sectores
figurando como líderes, tamén, en materia de penetración do Big
Data, utilizando a tecnoloxía para a análise de
información a gran escala xerada por medios sociais.
Internet
das Cousas
O
uso dos dispositivos de Internet das Cousas (IoT) no tecido
empresarial alcanza ao 4,6% de microempresas e o 16,8% de pemes e
grandes empresas. No informe faise saber que “as múltiples
funcionalidades e posibilidades de uso do IoT fan dela unha
tecnoloxía que non se asocia a sectores de actividade concretos,
como son a impresión 3D ou a robótica máis vencellados a sectores
especializados como a industria, senón que a súa penetración
distribúese de forma máis homoxénea entre o dez sectores
analizados”.
Ciberserguridade
Cunha
penetración de Internet practicamente na totalidade das pemes e
grandes compañías de España (98%), a investigación salienta o
medre substancial “da concienciación sobre a necesidade de activar
medidas de seguridade, sobre todo no segmento de menor tamaño, onde
a porcentaxe de empresas que adoptan algunha medida de seguridade
sitúase nun 70,2% en 2020 (+13,2 p.p. con respecto a 2019)”. O
informe do ONTSI engade que cada vez máis empresas facilitan aos
seus empregados dispositivos móbiles con acceso a Internet para uso
empresarial (77,3% de pemes e grandes e 55,1% de microempresas; +6,5
p.p. e +11,5 p.p. fronte a 2018, respectivamente), sendo o sector de
vendas e reparación de vehículos no que a porcentaxe de medre foi
maior (+10,3 p.p.).
Tamén
ten cada vez ten maior relevancia o uso do comercio electrónico para
realizar vendas de produtos e servizos. En 2019, produciuse un
importante salto, alcanzando ao 25,5% de compañías de 10 ou máis
empregados (+5,1 p.p.) e ao 9,5% de menos de 10 (+3,7 p.p.).
En
canto ao índice europeo, o informe guinda o seguinte dato: o nivel
de dixitalización de España sitúase por encima do valor medio da
UE-27 e sae “especialmente reforzada” nos aspectos relacionados
co acceso a Internet, tipoloxías de acceso e uso de medidas de
seguridade, con valores similares aos obtidos por Dinamarca e Suecia,
que encabezan a clasificación. Pola contra, España obtén valores
por baixo da media europea nos ámbitos relacionados co cambio
cultural nas empresas, capacitación (presenza de especialistas e
formación en tecnoloxías) e produtos e servizos.