Os xogos de Tony Hawk volven en edicións remasterizadas
martes, 12 de maio do 2020
O vindeiro
4 de setembro volverá unha saga de xogos que marcou os anos 90 e 2000 protagonizada
polo skate Tony Hawk a través dunha versión remasterizada dos
seus dous primeiros xogos, que poderán asà xogarse en
Xbox One, PlayStation 4 e PC
grazas ao traballo de Vicarious Visions, estudio detrás de Crash Bandicoot
N. Sane Trilogy.
Tony Hawk’s Pro Skater 1 + 2
combinará todos os niveis orixinais, os skaters profesionais, os trucos
da vella escola e todos os detalles dos xogos clásicos, incluÃndo parte dos
seus éxitos musicais. O xogo tamén contará cos modos multixogador orixinais
(tanto en liña como fóra de liña) e incluso contará coa opción Create-A-Park,
que inclúe un completo editor con novas formas de personalización que poderán
compartirse cos amigos a través da Rede. O xogo presentarase en resolución 4K
con gráficos actualizados e mellorados e con animacións a 60 imaxes por
segundo.
As versións para PC e Xbox One deste xogo xa están dispoñible en reserva a un
prezo de 44,99 euros para a edición normal e a 54,99 euros a edición deluxe,
que inclúe adicionalmente o personaxe The Ripper de Powell-Peralta; aspectos
retro únicos dos 80 para Tony Hawk, Steve Caballero e Rodney Mullen; e contido
retro único para o modo Crear skater.
- Os xogos de Tony Hawk volven con gráficos actualizados
Tráiler de presentación de Tony Hawk’s Pro Skater 1 + 2