R acompaña na súa transformación dixital á enerxética galega Reganosa
venres, 25 de setembro do 2020
Reganosa,
a empresa galega adicada ao transporte e regasificación de gas
natural, chegou a un acordo coa operadora de telecomunicacións R
para incorporar na súa organización os servizos e plataformas de
SAP HANA na nube. En palabras da firma galega de cable, “trátase
dun paso decisivo no proceso de transformación dixital da compañía
enerxética para o que nos elixiu como socios tecnolóxicos”. En
concreto R mellorará os procesos e a estratexia de negocio de
Reganosa, axudándolle a extraer o máximo partido da análise da
información e facilitando o acceso a ela en tempo real a través da
dita plataforma SAP HANA.
Emilio
Bruquetas, director xeral da firma enerxética, incidiu en que “o
sector da enerxía vive un gran proceso de modernización no que a
descarbonización e a dixitalización son esenciais; nisto, Reganosa
ten que ir por diante. De aí que contar coas ferramentas e co
coñecemento que nos achega R resulte esencial. Ademais de produtiva,
a nosa alianza é moi satisfactoria porque Reganosa comparte con R
valores e traxectoria: as dúas somos empresas novas e innovadoras,
ás que a competencia nos motiva para facer as cousas mellor en
calquera mercado”.
Pola
súa banda, Isidro Fernández de la Calle, director corporativo
Empresas de R asegurou que “para nós é un orgullo e unha
responsabilidade acompañar a Reganosa neste proceso. Estamos a vivir
unha transición imparábel á nube que se acelerou coa crise
derivada da COVID-19. Reganosa soubo capitalizar o valor diferencial
da nube de R, unha nube próxima e directamente conectada por fibra
óptica coa firma enerxética, que lle achega máxima capacidade,
seguridade e mínima latencia para o despregue dos seus servizos de
negocio actuais e futuros”.