Rayman 3 HD destaca nos Xogos con Gold de outubro
mércores, 27 de setembro do 2017
Microsoft deu a coñecer a relación de videoxogos
que recibirán os subscritores Gold no mes de outubro, con tÃtulos de moito
máis peso en Xbox 360 que en Xbox One, pero todos xogables en Xbox One, polo
que non serán poucos os que agradezan o descubrimento destes tÃtulos.
O 1 de outubro chegará aos usuarios de Xbox One Gone
Home: Console Edition, un videoxogo de exploración independente que nos
introduce na pel dun personaxe que tras pasar un ano no estranxeiro regresa ao
fogar e non atopa a ninguén na casa, tendo que desvelar o misterio mentres
explora toda a vivenda.
A partires do 16 de outubro o xogo dispoñible será The
Turing Test, un xogo de quebracabezas en primeira persoa que explora
fenómenos de consciencia e desafÃa a intuición humana, situando ao protagonista
no papel de Ava Turing, unha enxeñeira da axencia espacial internacional (ISA)
e avanza a través dunha historia de introspección e moralidade mentres descobre
os misterios de Europa, a lúa de Xúpiter.
Pero o bo chegan para Xbox 360, comezando o 1 de outubro con Rayman
3 HD, unha versión remasterizada do clásico Rayman 3 Hoodlum’s Havoc, xogo no que viviremos unha aventura
fantástica e divertida con Rayma e Globox. E a partires do 16 de outubro o xogo
de Xbox 360 dispoñible será Medal
of Honor: Airborne, que sitúanos na Segunda Guerra Mundial, comezando
saltando dun C-47, tendo que elixir o punto de aterraxe para conseguir unha
vantaxe estratéxica para logo explorar o contorno en terra, buscando posicións
tácticas que faciliten a derrota do inimigo. Esta proposta fai que cada partida
sexa distinta.
VÃdeo promocional dos Xogos con Gold de outubro