Rayman Legends chegará en setembro para Wii U, PS3 e Xbox 360
xoves, 7 de febreiro do 2013
Un dos xogos exclusivos máis prometedores para a Wii U era
sen lugar a dúbidas Rayman Legends,
secuela de Rayman Origins, tÃtulo que
supuxo o reboot do personaxe que
quedara eclipsado por outros personaxes dos seus xogos (os Raving Rabbids) e que conseguiu devolver a gloria ao xénero das
plataformas. Tras adiarse o lanzamento da nova entrega temos agora o anuncio de
Ubisoft de que iso será unha mala nova para Nintendo, pero boa para os seus
competidores, xa que o xogo deixará a súa exclusividade para chegar tamén
para Xbox 360 e PlayStation 3, fixándose o seu lanzamento nas primeiras
semanas do mes de setembro.
As novas versións de Rayman Legends
recaerán no mesmo estudo que está a desenvolvelo para Wii U, Ubisoft
Montpellier, e para enriquecer este xogo non só haberá novos niveis que
percorrer, senón que tamén incluirá novos modos de xogo, novos personaxes e
unha nova banda sonora, polo que ten moitas bazas para converterse no tÃtulo de
referencia deste xénero durante 2013.
- Rayman Legends contará con novos personaxes