Realme sobe ao carro das tabletas con Android
luns, 15 de novembro do 2021
As
tabletas con Android parecen querer vivir un rexurdir da man dos fabricantes
chineses, e tras chegar
ao mercado a Xiaomi Pad 5, temos agora a Realme Pad, cunha pantalla de
10,4 polgadas e un deseño con só 6,9 milÃmetros de grosor, que sae hoxe mesmo á venda ás 23:00
horas a un prezo promocional de 199 euros con 4 GB de RAM e 64 GB de almacenamento
interno (cando o seu prezo ordinario será de 259 euros).
Esta interesante tableta funciona cun procesador MediaTek Helio G80; está equipado
con 4 altofalantes Dolby Atmos (de xeito que gozamos de son estereofónico sen
importar como suxeitemos a tableta); a súa baterÃa de 7.100 mAh con carga
rápida de 18 watts promete unha autonomÃa de até 12 horas seguidas de
reprodución de vÃdeo; as súas cámaras frontal e traseira son de 8 MpÃxeles
(contando a frontal cun grande angular que recolle un campo de visión de 105
graos); incorpora 2 micrófonos para conseguir captar a voz con claridade e
poder eliminar automaticamente o ruÃdo de fondo; e para os que non teñan
dabondo coa súa capacidade de almacenamento, pode ampliarse con tarxetas de até
1 TB.
Dende Realme tamén destacan que conta con modo escuro e modo de lectura, que permite
empregar varias aplicacións a pantalla partida, que conta con modo multiusuario
para que poida compartirse por varios membros da familia e que integra directamente
Google Kids, para que os cativos poidan gozar de contidos adaptados á súa idade
e os proxenitores poidan establecerlles lÃmites.